Монгол Улсын Ерөнхий сайд С.Батболд өнөөдөр Төв аймгийн Лүн, Угтаалцайдам сумдад ажиллаж, эдгээр сумдын удирдлагуудтай уулзаж орон нутгийн ажил байдалтай танилцаж байна. Мөн Лүн сумын Дамбын Гозгор гэдэг газарт өвөлжиж байгаа Өгөөмөрийн хоёрдугаар багийн малчин Л.Очирбатынд зочилно. Л.Очирбат улсын сайн малчны болзлыг хангасан бөгөөд Ерөнхий сайд С.Батболд шагналыг нь гардуулна. Ерөнхий сайд Лүн сумаас Угтаалцайдамд хүрэлцэн очиж тус сумын иргэдтэй Соёлын төвд нь уулзалт хийнэ. Энэ үеэр Улсын тэргүүний тариаланчдад мөн шагнал гардуулах юм.