open.gov.mn

Монгол Улсын Ерөнхий сайд Н.Алтанхуягийн тэргүүлсэн Шинэчлэлийн Засгийн газраас “Шинэчлэлээр шийдье-222” арга хэмжээг санаачлан  сар бүр зохион байгуулахаар болсон. Анхны уулзалт энэ сарын 11-нд Төрийн ордонд болох юм.

 Төрийн хүнд суртлыг арилгах, үүрэг хариуцлагыг тодорхой болгох, авлига, хээл хахуулийг устгахад иргэн таны оролцоо хамгаас илүү чухал  хэмээгээд Шинэчлэлийн Засгийн газрын тэргүүн аж ахуйн нэгж, төрийн бус  байгуулагуудад урилгаа илгээж байна.

 Энэ уулзалтын үеэр хуулийн дагуу бизнес эрхлэхэд чухам юу саад болдог,  төрийн ямар дарамт байгаа талаар та бүхэн нээлттэй ярьж болох бөгөөд уулзалтад салбарын сайд, Төрийн нарийн бичгийн дарга, газар, агентлагийн дарга нар оролцох юм. Хэн нэгэн даргын урт илтгэл, уйтгартай тайланг биш иргэдээ сонсохоор шийдсэн Шинэчлэлийн Засгийн газар тунгалаг төрийг цогцлоохын тулд ийнхүү иргэдээ урьж байна.

 

Энэ талаар санал хүсэлтээ   open.gov.mn  Хаягаар илгээнэ үү