Монгол Улсын Шадар сайд, Хүүхдийн төлөө үндэсний зөвлөлийн дэд тэргүүн М.Энхболд Шүүхийн шийдвэр гүйцэтгэх ерөнхий газрын харъяа 411 дүгээр ангид хүмүүжиж байгаа 17 хүүхдэд 2009 оны 12 дугаар сарын 26-ны өдөр шинэ жилийн бэлэг гардуулав. Мөн өдөр Хүүхдийн сургалт, хүмүүжлийн тусгай төвийн 120, Гандантэгчинлэн хийдийн Шашны сургуулийн 55 хүүхдэд бэлэг гардуулж шинэ жилийн баярын мэндчилгээ дэвшүүллээ.
“Монгол Улсын Засгийн газар эх орны ирээдүй болсон хүүхдүүдийнхээ төлөө онцгой анхаарч, тэдэнд үзүүлэх дэмжлэг, тусламжаа урьд жилүүдээс илүү нэмэгдүүлэх болсон. Хүүхдийг дэмжсэн, халамжилсан бодлогоосоо ухрахгүй. 2010 онд бүх шатны байгууллагад хүүхдийн эрх зөрчигдөхөөс хамгаална” гэж Шадар сайд, Хүүхдийн төлөө үндэсний зөвлөлийн дэд тэргүүн М.Энхболд хэлэв гэж Засгийн газрын Хэвлэл, мэдээллийн албанаас мэдээллээ.
