|
| |
|
Засгийн газраас уриалга гаргалаа
/ мэдээг нийтэлсэн огноо : 2011.03.12 /
|
Монгол Улсын Ерөнхий сайд С.Батболд Япон Улсын Ерөнхий сайд Кан Наотод эмгэнэлийн цахилгаан утас илгээлээ. Цахилгаан утсанд “Япон Улсын Мияги мужид болсон газар хөдлөлт, цунамийн улмаас олон хүний эрдэнэт амь эрсдэж, их хэмжээний эд материалын хохирол учирсанд Монгол Улсын Засгийн газрын нэрийн өмнөөс болон хувиасаа Япон Улсын Засгийн газар, ард түмэнд гүн эмгэнэл илэрхийлж байгааг минь хүлээн авна уу. Японы хөдөлмөрч, хичээнгүй ард түмэн энэхүү байгалийн гамшгийн хохирлыг богино хугацаанд даван туулна гэдэгт итгэлтэй байна” гэжээ.
Мөн түүнчлэн Засгийн газрын тэргүүн хүнд хэцүү энэ цаг үед Японы ард түмэнд туслахыг уриалсан байна. Тэрбээр хэлэхдээ шилжилтийн хүнд хэцүү цаг үед монголчууд бидэнд тусламжийн гараа сунгаж, манай улсын хамгийн том хандивлагч туслагч орон байж ирсэн, одоо ч тусласаар байгаа ард түмэн бол япончууд билээ. Тэгэхээр одоо монголчууд бид энэ цаг үед Японы ард түмэнд боломжоороо туслаж сэтгэлийн дэм өгөх учиртай гээд Монгол Улсын Засгийн газраас уриалга гаргаж хандивын данс нээсэн тухай уриалгадаа дурдсан байна.
|
|
|
| ӨМНӨХ 3 МЭДЭЭ |
ДАРААХ 3 МЭДЭЭ |
|
|
Японы ард иргэдэд туслах хандивын данс нээлээ
|
|
|
Нутаг буцах хүсэлт гаргасан иргэдээ авчрах талаар бүхий л арга хэмжээг авч байна
|
|
|
Гамшигт нэрвэгдсэн дөрвөн бүсээс иргэдээ үнэ төлбөргүйгээр эх оронд нь авчирна
|
|
|
|
ЕРӨНХИЙ САЙД ЭМГЭНЭЛ ИЛЭРХИЙЛЭВ
|
|
|
ЖАЙКА-гийн сайн дурын гишүүд Ерөнхий сайдтай санал бодлоо хуваалцлаа
|
|
|
Орон сууцжуулах ажлыг эрчимжүүлнэ
|
|
|
|
|
|
|
|
|
|
