Засгийн газрын 2012 оны 09 дүгээр сарын 05-ны өдрийн ээлжит бус хуралдаанаас яамдын Төрийн нарийн бичгийн даргын үүргийг түр орлон гүйцэтгэгчдийг томиллоо.

Энэ дагуу :

·      Жамсрангийн Батболд – Байгаль орчин, ногоон хөгжлийн яам

·      Жигжиддашийн Баярцэцэг – Хууль зүйн яамны

·      Равжихын Эрдэнэбүрэн – Барилга, хот байгуулалтын яамны

·      Шагдарсүрэнгийн Булга-Эрдэнэ – Боловсрол, шинжлэх ухааны яамны

·      Баасандоржийн Батзаяа – Зам, тээврийн яамны

·      Пүрэвийн Алтангэрэл – Соёл, спорт, аялал жуулчлалын яамны

·      Рэнцэндоогийн Жигжид – Уул уурхайн яамны

·      Хадбаатарын Золжаргал – Үйлдвэр, хөдөө аж ахуйн яамны

·      Баасанжавын Ганцэцэг – Хөдөлмөрийн яамны

·      Баасанжавын Отгонжаргал – Хүн амын хөгжил, нийгмийн хамгааллын яамны

·      Бэгзсүрэнгийн Шинэбаатар – Эдийн засгийн хөгжлийн яамны

·      Даваадоржийн Дэлгэрцогт – Эрчим хүчний яамны Төрийн нарийн бичгийн даргын үүргийг тус тус түр орлон гүйцэтгэхээр боллоо.

Монгол Улсын Ерөнхий сайд Н.Алтанхуяг томилогдсон хүмүүсийг хариуцсан ажилдаа эзэн болохыг захиж, амжилт хүслээ.  

 

БҮРТГЭЛИЙН ЕРӨНХИЙ ГАЗРЫН ДАРГЫГ АЖЛААС НЬ ЧӨЛӨӨЛЛӨӨ

 

Засгийн газрын 09 дүгээр сарын 03-ны өдрийн ээлжит бус хуралдаанаас Лувсандагвын Амарсанааг Засгийн газрын хэрэгжүүлэгч агентлаг-Улсын бүртгэлийн ерөнхий газрын даргын үүрэгт ажлаас чөлөөлсөн байна.  

Мэргэжлийн байгууллагын албан ёсны зөвлөмжийг хэрэгжүүлээгүйгээс Иргэний шинэчилсэн бүртгэлийн “Хүний биеийн давхцахгүй өгөгдлийн мэдээллийн сан”-гийн программ гэмтэж, мэдээллийн бүрэн бүтэн байдал алдагдсан хэрэг гарсан юм. Энэ нь Л.Амарсанаа үүрэгт ажилдаа хариуцлагагүй хандсантай холбоотой гэж Засгийн газар үзсэн байна.

Бүртгэлийн ерөнхий газрын даргын үүргийг түр орлон гүйцэтгэгчээр Цэсэнгийн Пүрэвдоржийг томилж, Бүртгэлийн хяналтын ерөнхий байцаагчийн эрх олгожээ.