|
| |
|
ӨВӨЛЖИЛТИЙН БЭЛТГЭЛЭЭ САЙТАР ХАНГАХЫГ САНУУЛЛАА
/ мэдээг нийтэлсэн огноо : 2010.07.27 /
|
Монгол Улсын Ерөнхий сайд С.Батболд Хөвсгөл аймагт ажиллахдаа Шинэ-Идэр, Жаргалант, Галт, Төмөрбулаг сумын удирдлагуудтай уулзав.
Засгийн газраас “Өвөлжилтийн бэлтгэл ажлыг хангах зарим арга хэмжээний тухай” тогтоол гаргасан. Тогтоолд заасны дагуу аймаг, орон нутгийнхан хадлангийн болон тэжээл үйлдвэрлэх техникийн засвар үйлчилгээнийхээ ажлыг 7 дугаар сарын 20 гэхэд дуусгасан байх ёстой. Хөвсгөл аймагт, ялангуяа Галт суманд өвс тэжээл хангалттай ургасан ч хураах техник хэрэгсэл хангалттай бус учир хагас механикжсан салаатай болохыг хүссэн юм. Үүнийг Ерөнхий сайд хүлээн авч ажлын төлөө гэсэн аливаа санал, санаачлагыг дэмжинэ гэлээ. Мөн Төмөрбулаг сумын соёлын төвийг засварлах хөрөнгийн асуудлыг ирэх оны төсөвт тусгахад анхаарна гэв.
Хөвсгөл аймаг 1500 тонн өвс, 750 тонн тэжээл, сум бүр 200 тонн өвс, 120 тонн тэжээлийн нөөц бүрдүүлэх үүрэгтэй. Үүнийг биелүүлээгүй тохиолдолд аймаг, сумын удирдлагад хариуцлага тооцно гэдгээ ч Ерөнхий сайд анхааруулав. Хөвсгөл аймаг өнгөрсөн жил хамгийн олон мал тоолуулж өвлийг хохирол багатай даван туулсан ч 800 гаруй өрх огт малгүй болсон байна. Зудын хор хохирлыг арилгахаар Засгийн газар огт малгүй болсон өрхийн 50 хувийг энэ онд малжуулна. Үүнд эхний ээлжинд 3 тэрбум төгрөг гаргах бөгөөд Хөвсгөл аймагт 296 сая төгрөг ноогдож байна. Өнгөрсөн өвлийн байгалийн гамшиг, зуднаас сургамж авсан малчид, сумын удирдлагууд энэ жил дундын фонд байгуулж эхэлжээ. Ингэснээр цаг хүндэрсэн үед хэрэгцээт өвс, тэжээлээ худалдаж авах мөнгөтэй болох юм.
|
|
|
| ӨМНӨХ 3 МЭДЭЭ |
ДАРААХ 3 МЭДЭЭ |
|
|
ХОТГОЙДЫН ЧИНГҮНЖАВЫН ХӨШӨӨГ НЭЭВ
|
|
|
ХӨВСГӨЛЧҮҮД БААТРУУДЫН ЦОГЦОЛБОРТОЙ БОЛЛОО
|
|
|
ХОТГОЙДЫН ШАДАР ВАН ЧИНГҮНЖАВЫН МАРК ГҮЙЛГЭЭНД ГАРЛАА
|
|
|
|
С.БАТБОЛД : Монгол хүн эрүүл, боловсролтой, өрсөлдөх чадвартай байх ёстой
|
|
|
Үндэсний эрх чөлөөний хувьсгалын 100 жилийн ойн бэлтгэл ажлыг хангана
|
|
|
Тяньжины төлөөлөгчид айлчилж байна
|
|
|
|
|
|
|
|
|
|
