“Зөгийн үүр” хөтөлбөрийг хэрэгжүүлэх талаарх уулзалт зөвлөгөөнийг 2010 оны 10 дугаар сарын 13,14 нд Төрийн ордны Нутгийн удирдлагын танхимд зохион байгууллаа. Энэхүү зөвлөгөөн нь Монгол Улсын Ерөнхий сайд С.Батболдын санаачилгаар Засгийн газраас боловсруулж, 2010 оны 250 дугаар тогтоолоор баталсан эдийн засгийн тэргүүлэх чиглэлд дотоодын хөдөлмөрийн зах зээлээс нөхөгдөхгүй байгаа онц шаардлагатай ажлын байранд гадаадад нарийн мэргэжил, туршлага эзэмшсэн иргэдээ татан оролцуулах, тэдний нийгмийн асуудлыг шийдвэрлэхэд төрөөс тодорхой дэмжлэг үзүүлэх зорилготой юм.

Тус Зөвлөгөөнөөр хөтөлбөрийн хэрэгжилтийг хангаж, төр, төрийн бус байгууллагууд, гадаадад байгаа иргэд, гадаадад төгсөгчид, эрдэмтэн судлаачдыг идэвхитэй оролцуулах, хамтран ажиллах зорилгоор хөтөлбөрийн үйл ажиллагааны төлөвлөгөөг зорилтуудаар нь “Зөгийн үүр-бүртгэл, мэдээлэл”, “Зөгийн үүр- эрхзүй, судалгаа шинжилгээ”, “Зөгийн үүр- хөдөлмөр зуучлал, ажлын байр”, “Зөгийн үүр- өндөр технологи” гэсэн 4 чиглэлээр салбар хуралдаан зохион байгуулж, хэрэгжүүлэх үйл ажиллагааны төлөвлөгөөг хэлэлцэв.

“ҮДИЙН ЦАЙ” ХӨТӨЛБӨРИЙН ХҮРЭЭНД ХҮНС, ХООЛ ҮЙЛДВЭРЛЭЛ, ХҮНСНИЙ БҮТЭЭГДЭХҮҮНИЙ ХАНГАЛТ ХИЙЖ БУЙ АЖ АХУЙН НЭГЖ БОЛОН ЕРӨНХИЙ БОЛОВСРОЛЫН СУРГУУЛИУДАД ХИЙГДЭХ ШАЛГАЛТЫН  ТАЛААРХИ ТОВЧ МЭДЭЭЛЭЛ   

2010.08.30

Монгол улсын Засгийн газраас ЕБС-ийн сурагчдын  нас, бие бялдрын хэрэгцээнд тохирсон, чанар,   эрүүл ахуйн шаардлага хангасан үдийн цайгаар хангах зорилгоор 2006 оноос эхлэн ерөнхий боловсролын сургуулиудад “Үдийн цай” хөтөлбөр хэрэгжүүлж бага ангийн сурагчдыг үдийн цайгаар хангах, зардлыг төрөөс  санхүүжүүлэх шийдвэр гарган мөрдөж байна. Одоогоор ЕБС-ийн 1-5-р ангийн 274000 сурагч  үдийн цайны үйлчилгээнд хамрагдаж байна.
Шинэ хичээлийн жил эхэлж байгаатай холбогдуулан  Монгол улсын шадар сайдын баталсан  удирдамжаар Монгол улсын Засгийн газрын 194 дүгээр тогтоолоор батлагдсан “Үдийн цай” хөтөлбөрийн хүрээнд хүнс, хоол үйлдвэрлэл, хүнсний бүтээгдэхүүний хангалт хийж буй тендерээр шалгарсан аж  ахуйн нэгжүүд болон Ерөнхий боловсролын сургуулиудад улсын хэмжээнд шуурхай үзлэг шалгалтыг  8-р сарын 30,31–ний өдрүүдэд  хийж  байна.

МОНГОЛ УЛСЫН ЗАСГИЙН ГАЗРЫН 2008 -2012 ОНЫ YЙЛ АЖИЛЛАГААНЫ ХӨТӨЛБӨР
(Монгол Улсын Их Хурлын 2008 оны 35 дугаар тогтоолын хавсралт)

бүрэн эхээр энд дарж татаж авна уу. 
Click here to download The action plan of the Government of Mongolia 2008-2012 in English
Төрийн мэдээлэл сэтгүүлийн 2008 оны 46 дугаарт нийтлэгдсэн.

Улсын Их Хурлын ээлжит сонгуулийн үр дүнд шинээр байгуулагдсан Монгол Улсын Засгийн газар нь Монгол Улсын Мянганы хөгжлийн зорилтод суурилсан Yндэсний хөгжлийн цогц бодлого, 2008 оны Улсын Их Хурлын сонгуульд оролцсон МАХН болон Ардчилсан намын сонгуулийн мөрийн хөтөлбөр, эдгээр намуудын Улсын Их Хурлын сонгуулийн дараа байгуулсан хамтын ажиллагааны гэрээ, бусад намуудын дэвшүүлсэн мөрийн хөтөлбөрийн зарим зорилт, төрийн бус байгууллагын санал, олон улсын байгууллагатай хийсэн баримт бичгүүдийг үндэслэн 2008-2012 онуудад хэрэгжүүлэх үйл ажиллагааны хөтөлбөрөө тодорхойлж байна.

Ерөнхий байдал.

Засгийн газрын тэргүүлэх чиглэл, үйл ажиллагааны хөтөлбөрийг   хэрэгжүүлэх зорилгоор  Улсын Их Хурал, Засгийн газрын тогтоол, шийдвэрээр 2007 онд хэрэгжиж байгаа 75 үндэсний хөтөлбөрийн хэрэгжилтэд хийсэн хяналт шинжилгээ, үнэлгээний дүнг танилцуулж байна.

Засгийн газраас баталсан Үндэсний хөтөлбөрүүдийн хэрэгжилтийн явцад хяналт шинжилгээ хийсэн дүнг 2007 оны 07 дугаар сард Засгийн газрын хуралдаанаар  хэлэлцээд  Үндэсний хөтөлбөрүүдийн хэрэгжилтийг хангахад яамд хоорондын хамтын ажиллагааг сайжруулах чиглэлд анхаарч ажиллахыг болон хөтөлбөрийг хэрэгжүүлэхдээ үе шат бүрийн зорилтуудад хяналт-шинжилгээ, үр дүнд үнэлгээ өгөхөд шаардагдах шалгуур үзүүлэлтүүдийг жил бүрийн эхэнд баталж, санхүүжилтийн эх үүсвэрийг тодорхой тусгаж байхыг Засгийн газрын гишүүдэд тус тус өгсөн боловч санхүүжилтийн асуудал болон яамд хоорондын хамтын ажиллагааг сайжруулах үүргүүд хангалттай биелээгүй байна.