|
| |
|
Ерөнхий сайдын нэрэмжит шагналтан Унгарт амарна
/ мэдээг нийтэлсэн огноо : 2010.05.06 /
|
Монгол Улсын Ерөнхий сайд С.Батболд “Дуулиан-2020” заалны хөл бөмбөгийн тэмцээний зохион байгуулагч, ивээн тэтгэгч, шилдэг тоглогчдыг 2010-05-06-нд хүлээн авч уулзан, амжилттай оролцсон тамирчдад өргөмжлөл гардууллаа. Монгол Улсын Ерөнхий сайд энэ үеэр “Хөлбөмбөг бол дэлхийн хамгийн том, нэр хүндтэй, хамгийн олон сонирхогчтой спортын нэг төрөл юм. Дэлхийн хөлбөмбөгийн аварга шалгаруулах тэмцээн ирэх сард болно. Энэ тэмцээнийг бүр олон хүүхэд залуус телевизийн дэлгэцээр үзэж, энэ сайхан спортыг сонирхох болно гэдэгт итгэлтэй байна.
Спорт сонирхдог, дэмждэг хүний хувьд хэлэхэд, биеийн тамир, спорт маш олон талын ач холбогдолтой. Ерөнхий боловсролын сурагчдын дунд спортыг дэлгэрүүлэх, хөгжүүлэхэд Засгийн газраас анхаарч, дэмжинэ” гэлээ. Ерөнхий сайд С.Батболд заалны хөлбөмбөгийн аварга шалгаруулах дөрөв дэх удаагийн “Дуулиан-2020” тэмцээний шилдэг мэргэн буудагч Э.Зол-Эрдэнэ, шилдэг тоглогч А.Чинзориг нарт өргөмжлөл гардуулж, нийслэлийн 24 дүгээр дунд сургуулийн сурагч, “САММИТ” багийн 11 настай тоглогч А.Мөнх-Очирт нэрэмжит шагналаа олголоо. Ерөнхий сайдын нэрэмжит шагналтан хүү энэ зун БНУУ-д нэг сарын хугацаатай амрах эрхээр шагнууллаа гэж Засгийн газрын Хэвлэл мэдээллийн албанаас мэдээллээ.
|
|
|
| ӨМНӨХ 3 МЭДЭЭ |
ДАРААХ 3 МЭДЭЭ |
|
|
АЖЛЫН ХЭСГИЙГ АЖЛАА ЭРЧИМЖҮҮЛЭХИЙГ ҮҮРЭГ БОЛГОВ
|
|
|
“Монголын хүүхдүүд” Үндэсний II их чуулганы хэлэлцүүлгийг нээж Шадар сайд М.Энхболдын хэлсэн үг
|
|
|
Сонгуулийн хуулийн төслийн талаар санал солилцов
|
|
|
|
ЗАСГИЙН ГАЗРЫН ЭЭЛЖИТ ХУРАЛДААН 2010 ОНЫ 5 ДУГААР САРЫН 5-НЫ ӨДӨР БОЛЖ, ДАРААХ АСУУДЛЫГ ХЭЛЭЛЦЭН ШИЙДВЭРЛЭЛЭЭ
|
|
|
ОЙ, ХЭЭРИЙН ТҮЙМЭРТ 2 ХҮН АМЬ НАСАА АЛДААД БАЙНА
|
|
|
Ерөнхий сайд С.Батболд Нийслэлийн хоёр дүүрэгт ажиллав
|
|
|
|
|
|
|
|
|
|
