Ц.Сэргэлэнг ХХЕГ-ын даргаар томилов

Засгийн газрын ээлжит бус хуралдаанаар  Засгийн газрын тохируулагч агентлаг- ХХЕГ-ын даргын албан тушаалд  Цэдэвийн Сэргэлэнг томилов. Ц.Сэргэлэн 1966 онд Дорнод аймгийн Чойбалсан хотод төрсөн. Эхнэр, хүүхдийн хамт амьдардаг.

• 1984-1989 онд Нийгмийг аюулаас хамгаалах яамны Цэргийн дээд сургууль, 1995-1997 онд Батлан хамгаалах Удирдлагын академи, 2000 онд ОХУ-ын Хилийн цэргийн академийн дэргэдэх дээд курс, 2007 онд Арабын Бүгд Найрамдах Египет Улсын Цагдаагийн академийн курсийг тус тус төгссөн.

• Цэргийн оператив тактикч-команд штабын мэргэжилтэй

• Цэргийн шинжлэх ухааны магистр, англи, орос хэлний зохих мэдлэгтэй.

• Төрийн албанд 25 жил ажилласан.

• 1989-1992 онд Дорнод аймаг дахь Хилийн 0132 дугаар ангийн 3, 12 дугаар заставт байлдааны бэлтгэл сургуулийн орлогч, заставын дарга,

• 1992-1995 онд Замын-Үүд дэх 0108 дугаар ангид заставын дарга, Хилийн уулзалтын ахлах офицер, боловсон хүчин, 1997-2001 онд Сүхбаатар аймгийн Онгон суман дахь Хилийн 0184 дүгээр ангийн захирагч-хилийн төлөөлөгчийн орлогч, 2001-2006 онд Дорнод аймаг дахь хилийн 0132 дугаар ангийн захирагч-хилийн төлөөлөгч, 2006 оны 10 дугаар сараас ХХЕГ-ын дэд дарга, мөн оны 12 дугаар сараас Хилийн цэргийн штабын дарга, 2008 оны 10 дугаар сараас ХХЕГ-ын Захиргааны удирдлагын асуудал хариуцсан дэд даргаар ажиллаж байв.

ХХЕГ-ын даргаар ажиллаж байсан А.Баатарцогтыг гаргасан хүсэлтийг нь үндэслэн Засгийн газрын тохируулагч агентлаг- Хил хамгаалах ерөнхий газрын даргын үүрэгт ажлаас чөлөөлөв.